Среда, 05.08.2020, 19:47
Приветствую Вас Гость | RSS

Азаматова Руфина Юлай ҡыҙының сайты

Наш опрос
Оцените мой сайт
Всего ответов: 73
Статистика

Онлайн всего: 1
Гостей: 1
Пользователей: 0

Йомаҡтар

ТРАНСПОРТ ТӨРҘӘРЕ ТУРАҺЫНДА ЙОМАҠТАР

Ат түгел, кешнәмәй,

Йөҙ аттан кәм эшләмәй. /трактор/

 

Һыу эсә, бесән ашамай,

Үҙе дүрт аяҡлы. /автомобиль/

 

Ҡанаты бар, йөнө юҡ,

Үҙе бара, юлы юҡ. /самолет/

 

Юҡ, мин поезд түгел,

Ләкин уға оҡшаған.

Сөнки йөрөйбөҙ беҙ

Тимер юлдарҙан. /трамвай/

 

Үҙе ура, үҙе һуға,

Үҙе ҡапсыҡҡа һала.

Шаулап, гөрләп эшләгәнгә

Ҡыр матурланып ҡала. /комбайн/

 

ЙОРТ ХАЙУАНДАРЫ ТУРАҺЫНДА ЙОМАҠТАР

Һаҡалы бар - бабай түгел,

Бер кемгә лә ағай түгел.

Тәү ҡарашҡа меҫкен, өтөк,

Үсектерһәң - китә төкөп. /кәзә/

 

Йылыта, кейендерә,

Әҙәмде һөйөндөрә. /һарыҡ/

 

Дүртәүҙер аяғы,

Ҡайсылай ҡолағы,

Таштан ҡаты тояғы. /ат/

 

Ишек алдында сүмәлә,

Аҫтында дүрт бағана,

Алдында ике һәнәк,

Артында һепертке. /һыйыр/

 

Арҡаһынан һыпырһаң,

Күҙҙәре ялт-йолт итә.

Гел яратып, иркәләп,

Һөйөп торғанды көтә. /бесәй/

 

ҠЫРАҒАЙ ХАЙУАНДАР ТУРАҺЫНДА ЙОМАҠТАР

Эй тырыша – кәрәк уға

Сәтләүектең орлоғо.

Өйө ағас ҡыуышында,

Көлтә ҙурлыҡ ҡойроғо. /тейен/

 

Энәләре күп булһа ла,

Кейем текмәй был кейек.

Сәнскеле балаһын да

Һөйә: ”Йомшағым!”- тиеп. /терпе/

 

Йәйен - урманда батша,

Ҡышын - ҡарҙан да аҫта. /айыу/

 

Йәйен - һоро, ҡышын - аҡ,

Ҡыҫҡа ҡойороҡ, шеш ҡолаҡ. /ҡуян/

 

Урманда йыш тап булыр,

Мөгөҙҙәре бигерәк ҙур,

Ат ҡәҙәре кәүҙәһе,

Һис еткермәй берәүҙе. /мышы/

Ҡара морон, һарғылт йөн,

Көлтә ҡойроҡ, хәйләкәр,

Тауыҡ итен бик ярата,

Ялан, урманда йәшәр. /төлкө/

 

ЙОРТ ҠОШТАРЫ ТУРАҺЫНДА ЙОМАҠТАР

Һыуҙа йыуынып алды,

Өҫтө ҡоро ҡалды. /ҡаҙ/

 

-Ҡыт-ҡытыҡ,-ти,-ҡытыҡ,-ти,-

Тибенеүе ҡыҙыҡ,-ти,

Әйтеп ҡуймағыҙ яҙыҡ,

Әлеге ҡош ул-… . /тауыҡ/

 

-Мин барыһын уятам,- тип

Ҡысҡыра,-кикирикүүүк!

Бара торған ерегеҙгә

Һуңлап ҡуймағыҙ берүк!

Һис кәрәк түгел бәхәс,

Был булыр инде … . /әтәс/

 

-Ҡаҡ-ҡаҡ,-тиер,-ҡаҡ,-тиер,

Ниҙер ҡағырға ҡушыр.

Үҙе ҡанат ҡағып ҡына

Һыу буйында булашыр.

Күл, йылғала табыр наҙ

Ҡыҙыл ситек кейгән … . /ҡаҙ/

 

Бәләкәй генә һары йомғаҡ

Йүгереп йөрөй сиҙәмдә. /себеш/

 

 

ҠОШТАР ТУРАҺЫНДА ЙОМАҠТАР

Тау-ҡаяны төйәк итә,

Бер ниҙән тормай өркөп.

Кемдең уны күргәне бар?

Ҡош батшаһы ул ... . /бөркөт/

 

Ҡыйыҡ башына йорт ҡуйҙым,

Ишек-тәҙрәһе асыҡ.

Яҙҙар еткәс, ҡайтып керҙе

Ошо йортҡа ... . /сыйырсыҡ/

 

Хужанан да, эттән дә

Һис тә ҡурҡып тормайҙар.

Ем һипкәйнем ҡаҙҙарға,

Килеп ҡунды ... . /турғайҙар/

 

Тәҙрәләремә ҡарап,

Ҡойма башына баҫҡан.

- Бөгөн ҡунаҡ көтөгөҙ, - тип

Шыҡырланы ... . /һайыҫҡан/

 

Ниңә ҡаҙҙар ҡаңғылдашып

Бәпкәләрен өйөргән?

Күктә ҡанаттарын йәйеп,

Бәпкә күҙләй ... . /төйлөгән/

 

Ниңә әле был балалар

Күккә ҡарап торалар?

Йылы яҡҡа үтеп китте,

Ҡаңғылдашып ... . /торналар/

 

Үҙе йомортҡа баҫмай,

Балаһын да баҡмай. /кәкүк/

 

Ҡулы юҡ, балсыҡ ташый,

Балтаһы юҡ, өй яһай. /ҡарлуғас/

 

Ҡыҙыл ситектәрен кейгән

Күк күлдәкле ҡыҙ килгән.

Күк күлдәк, ҡыҙыл ситекле

Әйтегеҙсе, кем икән? /күгәрсен/

 

Көндөҙ ул насар күрә.

Тап бына шуға күрә,

Үҙ ҡорбанын һағалап,

Төндә тора самалап. /ябалаҡ/

 

БӨЖӘКТӘР ТУРАҺЫНДА ЙОМАҠТАР

Йоҡонан тора иртә,

Үҙен-үҙе һикертә.

Йәйен уйнап үткәрә

Сырылдауыҡ ... . /сиңерткә/

 

Матур итеп селтәр үрҙе

Кешеләрҙән күрмәксе.

Аҫҡа табан төштө китте

Селтәр буйлап ... . /үрмәксе/

 

Бейек кенә бейек ҡаялар,

Ул ҡаяға ҡыйғыр оялар.

Һурпаһы хәләл, ите хәрәм,

Ул ни булыр икән?! /бал ҡорто/

 

Бесәнлектә бер көршәкте

Ҡарап торғас бик оҙаҡ

Салғым менән тейеү булды –

Һырып алды ... . /һағыҙаҡ/

 

Бейек тауға менәләр,

Тоҡтар йөкмәп киләләр. /ҡырмыҫҡа/

 

Деү-деү, деү итә – дуғаға ҡуна,

Сей-сей, сей итә – ситәнгә ҡуна. /күгәүен/

 

Беҙелдәп оса ла семетеп ала,

Ул семеткән ерҙә ҡан ҡала. /серәкәй/

Вход на сайт
Поиск

Copyright MyCorp © 2020
uCoz